И синоќа, на неколку локации во Белград се одржаа протести. Пред Палатата на правдата во Белград имаше протест на студенти и граѓани, поради, како што соопштија учесниците, нелегалното притворање на студенти и учесници на саботниот голем протест.
Сообраќајот синоќа беше блокиран и во близина на населбата Автокоманда, но и кон населбите Земун и Вождовац, а беше попречен и сообраќајот на Панчевачкиот мост. Во текот на ноќта, полицијата ги отстрани сите блокади на патиштата во Белград и сообраќајот функционира нормално, соопшти изутрината Министерството за внатрешни работи на Србија.
