Согласноста Македонија и Бугарија заеднички да го изградат прегуграничниот тунел од пругата која треба железнички да ги поврзе државите е добра вест од повеќе аспекти.
Тоа што после неколку месечни одбегнувања од Бугарија министерот Николоски и неговиот колега Караџов постигнаа договор и се согласија на барањето од Македонија заедно да се гради тунелот, а дополнително Бугарија да инвестира во целиот коридор за експертите е вин – вин ситуација.
Коридорот треба да ги поврзе Јадранското и црното море преку Македонија и тоа од економска точка е клучно за транзитот на стоки. Од друга страна за нашата држава ова е од стратешка важност бидејќи ние сме природна раскрсница на коридорите 8 и 10, а третиот аспект е политички бидејќи изградбата на коридорот е и препорака на НАТО алијансата, а Европската унија става важен акцент на развојот на железничката инфраструктура.
Прво не треба да заборавиме дека на самитот на НАТО имаат препорака обврска овој коридор да го изградат. Првиот момент , ЕУ дава посебно значење на железничкиот транспорт , Македонија е место каде се вкрстуваат коридорот 8 и 10 и политичкиот аспект е многу значајно да се изгради во целина, вели Зоран Јолевски – поранешен амбасадор на Македонија во Соединетите Држави
Средствата кои Бугарија се согласила да ги инвестира во целиот коридор се 1 и пол милијарда евра. Дополнително Николоски и Караџов се согласиле да испратат експерти да учествуваат на состанокот за Коридор 8 што го организира Европската Комисија во јули, што ја покажува важноста на коридорот за ЕУ.
Очекувањата се дека Бугарија ќе го исполни она што сега веќе стана обврска и договорот кој беше соопштен вчера ќе биде потпишан и реализиран токму затоа што Европа дава многу внимание на изградбата на коридорот.
Очекувам овој договор ќе се потпише бидејќи има повеќе димензии овој коридор, тука не треба да се запостави безбедносното прашање, не е овде само прашање односнот само меѓу Бугарија и Македонија, едно од главните приоритети е зелената агенда, Европа многу дава внимание,,,, ова е вин – вин ситуација, вели Јолевски – поранешен амбасадор на Македонија во Соединетите Држави
Претходно, Бугарија инсистираше ние први да го започнеме и завршиме нашиот дел од тунелот во планина на самата гранична линија, без никакви гаранции дека работата од нивна страна ќе биде завршена,. Ревидирањето на проектот се случува откако министерот Николоски откри дека првиот проект предвидувал пругата да заврши во тунел без крај, а истиот да чини 24 милиони по километар.
Инаку, во Македонија веќе е пуштена во употреба првата фаза од Куманово до Бељаковце, треба да се заврши втората фаза од Бељаковце до Крива Паланка.
