Летната жега и оваа сезона им го помати умот на угостителите во туристички Охрид кои до небо ги кренаа цените на услугите, па така едно кафе чини од 2,5 до 3 евра. Што значи за туристите не се изгор само високите температури,туку и цените,посебно за и така плиткиот џеб на македонските граѓани. Дека Охрид,е туристичка стапица посебно за домашните гости се согласуваат и функциониерите.Заменик министерот за економија Марјан Ристески,упати апел до угостителите да се вразумат додека смена на почеток на летото оти има чаре и за нивното аздисување.
”Кафе од 3 евра е скапо за македонски услови навистина.Секогаш пазараната економија треба да ги формулира цените и секаде каде што ќе видиме дека нема пазарна логика ние ќе реагираме.Меѓутоа и високите цените некогаш ги одвраќаат туристите, значи тука треба да внимаваат самите угостители да имаат пригодни цени.Доколку имаат пригодни цени, ќе имате поуспешна туристичка сезона, тоа нека биде апел до туристичките работници и угостителите во Охрид”-вели Марјан Ристески-заменик министер за економија и труд
Намалувањето на цените на услугите мора да биде во рамките на еснафот, бидејќи безмалку во сите угостителски објекти цените се исти,што значи дека постои договор помеѓу сопствениците на угостителските објекти,иако законите за конкуренција забрануваат картели,ценат дел од туристичките експети.Од друга страна и услугата не е за пофалба оти угостителските објекти кубурат без кадар,се потпираат на средношколци,студени како и станска работна сила.
Како нема интерес, секој ден имаме побарувања за келнери, шанкери, Охрид како угостителски град се соочува со вакви проблеми меѓутоа за жал младите некако го напуштаат Охрид и одат во други држави.Има многу побарувања од различни работодавци од различни хотели.Има од сите земји, веројатно можат да надоместат одреден дел но сепак домашната работа сила си е клучна, но за жал ја нема”-вели Мирјана Влаоска-Агенција за вработување
Инаку заменик министерот на економија, Ристески кажа дека се прават анализи и дека идната недела откако ќе го согледаат приликите на иституционално ниво,ќе се огласат во врска со висина на цените на прехрамбените производи и тогаш ќе се знае дали ќе се интервенира.
