Македонија го трасира патот кон транзитна точка на гас во Европа. Договорот за гасоводот кон Грција, чија реализација стартуваше неодамна е голем чекор напред во планот за диверзификација на изворите за снабдување со гас. Кумановската Рапид – Билд веќе работи на најголемиот енергетски проект кој треба да биде готов за помалку од две години. Интерконекторот со Грција на Македонија треба да и обезбеди посигурно снабдување со природен гас, но уште поважно и алтернатива за снабдување бидејќи во моментов единствено добиваме гас преку Бугарија. Стартот на проектот се ветуваше уште од страна на владата на СДСМ и ДУИ но по низа контроверзи доживеа неусоех. Сега со новата Влада работите беа вратени на вистинскиот колосек:
Гасоводот за Македонија ќе донесе алтернатива, но и можност преку поврзување со Србија да станеме и транзитна точка за дистрибуција на гасот кон север.
Скопје и Белград веќе потпишаа меморандум за соработка во делот на енергетиката, а водечки проект е токму интерконекторот. Амбициите на македонската влада е ова да се случи до крајот на актуелниот мандатот:
Mакедонскиот дел од интерконекторот со Грција е во должина од 68 километри – од Гевгелија до Неготино и треба да се поврзе со грчката страна каде што градежните активности ги работи компанијата „Терна“. Вкупната должина на целиот гасовод е 123 километри и тој треба да се протега од Неа Месимвриа кон Неготино преку Гевгелија.
