Влезната врата која е широка само еден метар, буквално е искрешна и облепена со картони. Задниот излез со години е затворен со решетки и катинар. Прозорците се искршени, кровот прокиснува на сите страни, секој час или натпревар се одржувал под голем ризик и без рефлектори бидејќи лесно може да настрадаат од струен удар. Учениците раскажуваат дека не ни претпоставувале каква опасност ги демне.
„Не не бевме уплашени, па беше страшно таму. Приметувавте дека кога врне капи долу на подот? Да, да врнеше и имаше вода“ – вели ученик.
Спортската сала градена на државен имот, взаемно ја стопанисуваат средното „Нико Нестор“ и Сојузот на спортови Струга. На салата која се користела скоро 30 години никогаш не бил направен нити технички прием од страна на лиценцирано вешто лице кое утврдува дали таа е безбедена да биде пуштена во употреба.
„Таа не е ни доградена, не е ни примена уште. Како не е примена? Па така не е примена бидејќи не е доградена, имаше судски спорови околу земјиштето. Дали вие како претседател на Сојуз на спортови чувствувате одговорност доколку се случеше нешто поради условите во таа сала? Секако, но не се случи ништо“ – вели Ѓоко Чуркоски, претседател на Сојуз на спортови Струга.
„Овде секогаш се одеше со линија на помал отпор, оваа спортска сала е во иста вакава состојба денес и пред да биде затворена, 7 години. Како поставивте сите спортски клубови башка сатови за струја? Тоа е пред да дојдам, јас сум овде од 2003-та, не знам искрено како. Имаме контроло броило, тоа е по закон како вие што сте сопственик на една куќа и сте ги поделиле на спратови“ – вели Владо Ѓоровиќ, тренер на женски К.К клуб „Струга 2009“.
Нејасно е како клубовите поставувале сопствени броила во објект кој не поседува имотен лист бидејќи не се знае кој е сопственикот. Нејасно е на што се трошеле парите кои 6-те клубови ги плаќале на сојузот на спортови за користење на салата, а годишно наминуваат сума од 7.000 евра. Директорката на средното „Нико Нестор“, Кети Јанкоска, крајно безобразно и дрско одби да ни даде изјава, иако е долгогодишен раководител на образовната институција чии ученици ја користеа салата. Таа ќе одлучела на кои медиуми ќе им даде информација.
