Ќе се реновира охридската општа болница која со своето 6 децениско постоење,е најстара секундарна здравстена установа во регионов.Дел од објеките во кои што се сместени повеќе одделенија,амбуланти како и дневната болница каде секојдневно се вршат прегледи и примаат терапии го отслужиле своето. Годишниот план за 2025-та предвидува изведување градежни активности, првенствено онаму каде што има стари прозорци и врати како и дотраен кров.Најкритично е на геријатрија,кожно и медицина на труд-сите три одделенија се сместени во иста зграда која се распаѓа.Новото раководство на болницата веќе започна со целосно санирање на состојбите.
“Интерното одделение пред 30-тина дена целосно заврши неговото реновирање,доби еден нов лик, се смена и дограма, се направија внатрешни градежни активности.Нашиот план согласно сретствата е да се реконструираат и другите одделнија во интернистичката зграда како и во делот за геријатрија и кожни заболувања каде што навистина се дотраени објекти”-вели Др. Горан Маркоски-директор на општа болница Охрид
Болницата ќе се ослободи и од азбестните канцерогени покриви на објектите кои, претставуваат реална опасност по здравјето на луѓето.Во текот на идниот месец се прават напори повтороно да се стави во фунција и модуларната болница. Станува збор за објект од 620 метри квадратни кој што е во добра состојба и навистина ќе ни послужи, вели директорот.
“Неколку пати имам извршено увид во објектот,основниот проблем е во однос на кондензација која што се создава моментално во модуларната болница.Има уште неколку критериуми во однос на водо, едектроинсталација како и под и кров кои што треба ние како болница да го репаритаме како би добиле согласност за користење на модулатната болница”-вели др Маркоски
Пациентите заслужуваат достоинствени услови и ние тоа ќе им го овозможиме, вели Маркоски.Инаку за потсетување во рамки на болницата во 2013-та се изгради целосно нов блок во кој се сместени хирургија, урологија, одделнието за уво нос и грло како и гинекологија.Проектиран по европски стандарди тој е еден од најсовремните во државава.
Росица Голабоска
