Новата авиолинија Охрид-Истанбул не само што ќе придонесе за развој на туризмот,туку ќе значи многу и за развојот на економијата.Најголемото европско “воздушно пристаниште” лани превезе околу 80 милиони патници во повеќе од 300 дестинации,истакнуваат туризмолозите.Со овој лет нема да патуваат само туристи од Турција туку и од многу други светски дестинации.
“Па со оглед на тоа дека грото од туристите посебно во овој регион, а и во Скопје генерално и во Македонија се од турскиот пазар во последните неколку години и е во огромен подем, апсолутно сметам дека тоа е еден од најдобрите чекори моментално.И тоа не само за турски гости, бидејќи Истанбул како аеродром е еден од најголемите аеродроми во светот кој што поврзува со цел свет,така што сметам дека ќе имаме огромен бенефит од поврзувањето со истанбулскиот аеродром”-вели Ана Јанчева-хотелиер
Турските туристи се познати по тоа што дури повеќе од двојно поголема е нивната присутност на риверата во однос на втората дестинација од каде што имаме најмногу туристи, а тоа е Србија.
“Остваруваат и најголем број на ноќевања, иако просечниот број на ноќевања е нешто над 1 ноќевање односно 1,23 ноќевања што значи дека можеме да очекуваме повеќе туристи, можеме да очекуваме подобра работа на охрискиот аеродром.Истанбул не е било која дестинација кажавме дека Истанбул е вториот најфреквентен аеродром во цела Европа, пофреквентен од Шарл де Гол,пофреквентен од Франкфурт во Германија и навистина може преку овој аеродром да се замине на многу дестинации, се надевам по поволни цени “-вели Цветко Андреески,универзитетски професор
Ако доволно долго функционира оваа линија,Охрид ќе има навистина голем бенефит,ова е голема шанса за целиот регион, очекувам вели Андреески и бројни жители на соседна Албанија да го користат охридскиот аеродром.
Истанбулскиот аеродром е шести по големина во светот,но после лондонски Хитроу е еден од најфреквентните, далеку пред францускиот Шарл де Гол, или геманскиот аеродром во Франкфурт.
Росица Голабоска
