Дополнителни обуки за финансиска писменост не само за учениците туку и за наставниците. Покрај ова, на учениците да им се даваат проектни задачи и да се вклучат во работилници за да учат вештини за планирање и управување со финансии. Ова го порача министерката Весна Јаневска која беше дел од панел дискусијата за финансиска писменост во македонското обраазование, организирана од здружението „Јас сум жена“. Според образовната настава во основните и средните училишта има предмети во кои се учи за финансии, но уште поголем ефект би имало доколку има обуки и за наставниците, вели министерката Јаневска.
Членки на здружението „Јас сум жена“ излегле на терен и посетиле повеќе основни и средни училиште. Нивната цел била да се увиди дали и колку македонските ученици имаат познавања од управувањето со финансиите. Според претсдателката на здружението Ана Дуковска, децата покажале голем интерест и интерактивност во дискусиите, но според нивните истражувања постојат и училишта во кои не постојат предмети за финансиска писменост.
Во наставата на македонското образование во основните и средните училишта се учи математика, претприемништво, општествена одговорност како и други предмети во кои е опфатено планирање и управување со финансиите. Според организаторите на панел дискусијата, вклучувајќи ја и министерката за образование Јаневска, финансиските вештини се многу битни за учениците бидејќи тоа води кон економски развој и просперитет на државата.
