Владеењето на правото е клучно за европскиот напредок на Македонија, поле на кое во кои минативе години целосно се стагнирало, порача евроамбасадорот во Македонија, Михалис Рохас. Вели во моментов се гледа волја кај властите за реформи со цел подобрување на состојбата, за што помош ќе сме добиеле и од оффицијален Брисел. Покрај тоа според него важни се и реформите во јавната администрација, кои ќе допринесат за подобрување на состојбите со владеењето на правото.
-Тоа е владеењето на правото, клучна компонента за се, а другата е јавната администрација, односно реформата во јавната администрација. Потребна компетентна јавна администрација, која што ќе може да ги спроведе сите реформи. Но во делот на владеењето на правото работиме навистина напорно, знаеме дека тоа е голем приоритет, стагнираше во последниве неколку годни па затоа мораме да имаме конкретни чекори напред и да ги имаме многу скоро, изјави Рокас.
Една од главните цели на Владата се реформите во правосудството, бидејќи и повеќе од катастрофални се бројките кога станува збор за довербата на граѓаните. Министерот за евроинтеграции, Орхан Муртезани порача дека власта има сериозни цели за реформи, но знае дека работата е и повеќе од сложена и тешка.
-Првиот сигнал е дека во секторот правосудство реформите одат малку поотежнато. Колку и да министрите се трудат да дадат дополнителна динамика, динамиката на имплементација на реформите таму му личи засега дека е побавна, се надеваме дека ќе добие дополнителна брзина, изјави Муртезани.
На патот кон ЕУ Македонија ја има реформската агенда која што Брисел ја донесе за Западен Балкан, според која на државава и следуваат 750 милиони евра, пари кои треба да се добијат според напредувањето во реформите. Како и Муртезани и Рокас порача дека промените во правосудниот систем се и повеќе од важни.
-ЕУ или она што ние го кажуваме или препорачуваме не е против поединците, туку се работи за тоа да имаме силен систем, кој што ќе ја почитува независноста на судството, изјави Рокас.
Муртезани порача дека Македонија активно работи на исполнување на реформската агенда, со цел напредок кон членството во ЕУ, но и пристап до финансиите кои Брисел ги дава за оние кои напредуваат во реформите.
Матеја Петровски
