Емоции, аплаузи, солзи радосници… соучениците во средното училиште „Ванчо Прќе“ во Виница, го пречекаа 19-годишниот херој, Јован Костадинов кој кобната вечер кога избувнал пожарот, ставајќи го сопствениот живот во ризик, се вратил во т.н. дискотека и спасил 21 лице.
Благодарение на обуката што Јован ја добил од Црцвениот крст неодамна во Виница, успеал да го направи херојското дело. Имено Јован ја натопил маицата со вода, ја облекол и ставил преку носот и устата, се враќал внатре и извлекувал луѓе – буквално во пожарот. Потоа бил пренесен на Клиниката за токсикологија каде бил хоспитализиран заради тоа што вдишал големи количини на јаглерод моноксид. Вчера бил испишан од токсикологијаи пуштен на домашно лекување, а денеска со неизмерна радост…
Препораката од клиниката за токсикологија за Јован е да се врати за контрола по седум дена, за да бидат сигурни лекарите дека и натаму е во добра здравствена состојба. Херојот Јован е една од светлите точки таа црна ноќ на 16-ти март. На социјалните мрежи за него граѓаните бараат највисоки државни признанија бидејќи успеал да биде свесен, многу храбар, жртвувајќи го сопствениот живот им го продолжил на над дваесет други.
Давид Крстевски
