Живко Митревски не се откажува од функцијата прв човек на ССМ. Тој повторно свика прес- конференција на која обвинува дека актуелниот лидер Слободан Трендафилов бил нелигитимно избран со фалсификат документи. Според Митревски, Трендафилов не бил претседател на грански синдикат и со тоа не можел да биде на оваа функција.
Митревски тврди дека кога си заминал од функцијата оставил на сметката на синдикатот над 600 илјади евра за кои вели било нејасно каде завршиле. Бара Владата да ги прекине преговорите со Трендафилов во рамки на економско социјалниот совет, оти тој не бил легитимен претседател и одлуките немало да бидат важечки
Во однос на нелигитимноста на слободан Трендафилов повторно се потврдува тезата, дека истиот фалсификувал документи во смисла на тоа дека лажно се претставувал, вели Митревски
Актуелниот претседател на Сојузот на синдикати на Македонија, Слободан Трендафилов, само со кус коментар на обвинувањата на Митревски кој не е на оваа функција речиси 9 години.
Денеска работниците се поважни од Живко, вели Трендафилов за Алфа.
Инаку синдикланите превирања се случуваат во моменти кога се преговара за висината на минималецот кој треба да се исплаќа од април. Според Митревски, Трендафилов згрешил кога ја потпишал методологијата за пресметка на минималната плата со која таа сега треба да порасне за само 1.800 денари.
ССМ сега бара минималецот да биде 30.000 денари, односно зголемување за речиси 8.000 денари, а придонесите за разликата од она што го предвидува законот и она што го бара синдикатот, да биде субвенционирана од Владата.
Владата засега е на став дека остава да се договорат синдикатот и работодавачите, а дека не е во можност да субвенционира придонеси. Она што се знае е дека дијалогот треба да продолжи на економско социјалниот совет по формирање на комисијата која ќе ја утврди репрезентативноста на синдикатот.
