Штип ќе биде дел од втората фаза на проектот „Безбеден град“ кој ќе треба да обезбеди безбедност во сообраќајот и сообраќајна култура и е еден од најзначајните проекти на кои во моментов работи МВР, изјави министерот за внатрешни работи, Панче Тошковски.
Според него камерите кои ги поставуваат општините ќе имаат еден друг степен на употребливост, односно, како,што рече, нема да бидат врзани во рамки на проектот „Безбеден град“. Тој забележа дека ваквите проекти што ги реализираат Штип и уште неколку општини во земјава се од интерес за македонските граѓани и за зголемување на степенот на безбедност и како министерство ги поддржуваат ваквите проекти.
