Матичните доктори со едночасовен протест реагираа против новите измени во начинот на пријава на пациент во неговиот картон, односно наложено им е – без најава и без да ги консултираат, како што велат задолжително верифицирање на закажаниот термин на пациентот пред да биде прегледан.
Реагираат дека никој не ги прашал, дека нивната работа се комплицира и дека се принудени да бидат администратори, а не медицинари. Министерството за здравство објаснува дека на ваков чекор се одлучиле за пациентите да бидат навремено информирани, и да не ги пропуштаат прегледите. Од таму велат дека следи прво пробен период, и оти верификацијата со мобилен телефон на пациентот ќе се правела само пред првиот закажан мој термин, а не на сите, како и дека нема да важи за итни случи, мали деца и изнемоштени лица.
