Поголеми затворски казни за обвинетите кои со стап го усмртија бездомното куче Феликс, побараа денеска од пред Кривичниот суд активистите од „Анима Мунди“.
На денешниот протест порачаа дека сторителите заслужуваат построги казни за нанесените тешки повреди од кои Феликс подоцна почина во стационарот за бездомни кучиња „Лајка“.
Порачаа дека ќе испратат иницијатива до Министерството за правда во која ќе побараат промена на кривичниот закон за во иднина кривично се гонат и лицата кои организираат и учествуваат во борби со животни и нивно напуштање.
Побараа и воведување за забрана за чување животни. Во меѓувреме судењето за кучето Феликс е одложено и презакажано за 13 март, бидејќи еден од обвинетите и неговата одбрана го немале примено обвинителниот предлог, ниту пак решението за одлука за предложената мерка за обезбедување присуство.
