Премиерот Христијан Мицкоски ја започна својата посета на Соединетите Американски Држави. Уште на првиот ден оствари средба со заменик помошникот државен секретар фокусиран на Западниот Балкан, Александар Касаноф.
„Остварив средба со Александар Касаноф кој е заменик помошник секретар за Западен Балкан, како и за печат и јавна дипломатија во Бирото за европски и евроазиски прашања на Стејт департментот“, објави на својата Фејсбук страница премиерот.
„Разговаравме за состојбата во државата, европските интеграции и препреките со кои се соочува земјава на тој план. Имаме идеја, имаме план, Македонија има пријатели“, пишува премиерот Мицкоски во својата објава.
