Четириесет километри од автопатот Кичево-Охрид кој се гради цели 11 години,ќе биде пуштен во употреба пред почетокот на летната сезона, проблемот со свлечиштата ќе се решава со помош на странски експерти.Се прават напори автопатот да биде готов што е можно најбрзо,за да не се зголеми и цената за целосна изградба на делницата,но факт е дека наследивме искучително лош проект, вели министерот за транспорт и врски Николоски откривајќи со што се’ се соочиле. Автопатот бил проектиран да минува низ објекти од витално значење кои не можат нити да се дислоцираат нити да се експропиираат.
“Како е пректирано е проектирано, постојниот проект поминува низ градби од А категорија, поминува во заштитено подрачје на аеродромот, поминува преку бензиски пумпи, поминува преку болници и преку хотели, тоа се објекти кои не можете да ги експропиирате”-вели Александар Николоски-министер за транспорт и врски
Со законски измени за објектите на трасата, кои во вторник ќе се најдат на владина седница,ќе се олесни изградбата на оваа делница од Врбјани до Охрид. Предизвик за ресорниот министер е реализирање на автопатската делница Ќафасан –Требеништа како дел од коридорот 8, договор потпишан со конзорциумот Бехтел и Енка.Трасата поминува низ подрачје заштитено од Унеско.Ќе се обидеме вели Николоски,да направиме најдобар можен баланс помеѓу заштитата и развојот на инфраструктурата.
“Дали тоа ќе значи поместување на трасата северно, или ќе значи целосно нова траса, или ќе можеме да ја вклопиме во постојната траса,или ќе значи отсечка од Подмоље до Струга која што би одела како сврзница на постојниот автопат Охрид- Кичево, се работи кои ќе ги дискутираме.Но повторувам тука имаме уникатна состојба и само тука не би сакал да се врзувам за рокови и за постојни траси”-вели Николоски
-Јас ветив дека до крајот на идната година ќе имаме целосно функционален автопат од Кичево до Охрид,но тука се поставува прашањето на кој начин е најдобро да се поврзе и Струга затоа што од Подмоље има само 7 километри до градот.Во прашање е не само заштитата на Охридското езеро, туку и на целиот регион.Имаме стрикна забрана од Унеско да развиваме автопат и железница во заштитениот дел на Охридското езеро,додава Николоски.Тој кажа дека во месец март заедно со домашни и странски експерти ќе имаат средба во Париз на највисоко ниво каде ќе се бара решение за овој проблем,потенцирајќи дека нема да одат спротивно на препораките на Унеско туку ќе се прилагодат на нивните барања.
