Под слоганот “Не како поединец-туку како заедница” денес граѓаните излегоа на протестен марш во главниот град. Од универзална сала, преку владата, маршот продолжи кон собрание а заврши пред апелациониот суд. На протестот покрај семејството на загинатата Кулакова, присутни беа и други семејства кои загубили свои блиски и со години чекаат пресуди.
Сестрата на Фросина, Росица Куалкова апелира нејзината сестра да не биде злоупотребена за правење на ситни политички поени. Таа порачкаа дека бара правично и фер судење и казна на сторителот на делото Васил Јованов.
,,Протестираме за подобра правда, правичност, промена на системот, но бараме и да не се злоупотреба несреќата на мојата сестра за ситни политички поени,, изјави Росица Кулакова.
Таткото на Фросина, Тодор Кулаков нагласи дека од страна на надлежните институции, вклучително и владата се преземени сите правни чекори , но истакна дека протестите се со една цел, да се спречат понатамошни несреќи и губење на човечки животи.
,,Од страна на владата и владините институции, многупати кажав дека е направено се, и многу сум благодарен, но протестираме за правда, протестираме да нема нови жртви,, изјави Тодор Кулаков.
Инаку, серијата протести доаѓаат откако на 29 јануари Васил Јованов кој возел без возачка дозвола и под дејство на алкохол на пешачки ја усмрти Фросина. Имено, на Јованов му е изречена мерка притвор, а од страна на надлежните се заострени контролите на сообраќајниците а во собранието се иницираше и јавна расправа на која министерот за внатрешни работи Панче Тошковски најави измени во кривичниот законик, односно делот за кривични прекршоци.
