Специјалните единици при Министерството за внатрешни работи со својата исклучителна подготвеност покажаа дека се гаранција за безбедноста на Македонија, објави Александар Јанев, директор на Бирото за јавна Безбедност.
Денеска, преку реалистична симулација на борба против криминално-терористичка група, Единицата за брзо распоредување, Специјалната антитерористичка единица „Тигар“ и Хеликоптерската единица, презентираа силна психофизичка подготвеност и максимална посветеност, потенцира во објавата.
Врвниот степен на подготвеност и стручност на специјалните единици е гаранција за надминување на сите предизвици, која ќе продолжи и во иднина, со цел сигурна безбедност и на границите на државата, објави Јанев.
