Македонските граѓани преку социјалните мрежи се мобилизираат за бојкот на маркетите во знак на револт од превисоките цени. Со паролата „Попусто попусти кога цените се исти“ во петок на 31 јануари се повикува никој да не пазари во маркетите.. Повикот преку социјалната мрежа „ИКС“ стана вирален со споделување на сите соццијални мрежи. Иницијативата веќе и се шири и се заговара да не се пазари премногу и пред денот кога ќе има бојкот
Повикуваме на голем бојкот во петок. Воздржете се од купување во големите и помалите маркети. Попусто бојкот во петок, ако во четврток или сабота им направите двоен промет – стои во дел од коментарите на социјалната мрежа.
Граѓаните кои Алфа ги анкетираше ја поддржуваат иницијативата и велат дека во петок нема да пазарат затоа што трговците ја преминале границата. Дел од нив пак се сомневаат дека бојкотот ќе успее
Од Организацијата на потрошувачи велат дека не се организатори но го поддржуваат бојкотот затоа што цените во маркетите се превисоки. Сметаат дека треба долгорочни мерки за намалување на цените
И ние како граѓани и како Организација свесни сме дека цените во маркетите се високи. Како Организација го поддржуваме бојкотот на граѓаните кои самоиницијативно се организираат. Дали ќе даде резултати мерката ќе видиме, бидејќи е само еден ден но добро е да се укаже на бизнисот па и на Владата, вели Татјана Тасевска од ОПМ.
Иницијативата за бојкот се случува по период во кој Владата посредуваше во обидот да ги заузда цените. Имаше и конкретен договор, кој сепак првично дел од трговците го изиграа, за подоцна да почнат да го спроведуваат во рамки на т.н. новогодишна кошничка. Во моментов во сила е законот за нефер трговски практики кој треба да стави ред во трфовијата.
Инаку, по примерот во Хрватска иницијативата се прошири и во Босна и Херцеговина, а слични чекори граѓаните најавија дека ќе преземнат и во Црна Гора, каде граѓаните планираат да се воздржат од купување во супермаркетите и да ги избегнуваат помалите маркети на 31 јануари.
