Дрин Ахмети не дал исказ во јавното обвинителство за случајот со Соравија и по повеќе од 18 месеци откако е отворен предметот. Внукот на Али Ахмети во интервју за Република тврди дека ниту еден обвинител досега не го побарал тоа од него, единствено во Обвинителството бил повикан да даде исказ за друг случај поврзан со концесијата за каменолом на компанијата еверест.
Ахмети вели дека купопродажбата на Соравија не е завршена, а на прашањето кој е сопственик, Дрин одговара дека работите не биле толку едноставни колку што се мислело. Сеуште тапијата припаѓала на Хано соравија но во тек е постапката за преземање од страна на американскиот бизнисмен со албанско потекло Ник Назар Мехмети. Иако за Мехмети имаше информации дека бил финансиер на УЧК и поседувал стриптиз барови во САД, тврди дека такво нешто не знае.
Во врска со обвинувањата на Соравија, јавниот обвинител никогаш не побарал дададам исказ. Никогаш не сум имал каква било покана од нив. Ова беше покана за предметот за концесијата на компанијата „Еверест“, при што на јавниот обвинител му ги дадов исплатите што ги извршивме, значи исплатите што ги направиле, вклучувајќи ја и каматата што е платена за доцнењето со исплатите. Причината за доцнењето со исплатите, а ние и оваа година доцниме, е, ако погледнете надвор, гледате дека има снег, вели Ахмети.
Ахмети тврди дека обвинителот Абази не е негов семеен пријател, се познавале од селото Зајас бидејќи било мало место. Ахмети објаснува дека се познавал со таткото од Абази затоа што бил професор по историја во средното училиште во Зајас, а фотографиите кои излегле во јавноста на која е таткото од Дрин Ахмети, братот на Али Ахмети во друштво на Абази во опуштена домашна атмосфера, биле од семеен настан кој го организирал таткото на Дрин Ахмети и таму имало 40 или 50 луѓе.
Младиот бизнисмен Ахмети тврди дека неговиот чичко, Али Ахмети , никогаш не му помогнал за ништо. Тој бил негова животна инспирација како човек и немале никакви бизнис врски
Значи, нема да навлегувам во политика или филозофија, но ако можете да наведете една личност, компанија, субјект со кој чичко ми ме поврзал или вршел притисок да ми помогне, било кој субјект, можете да кажете дека беше овој, оној, нема ништо такво. Никој, никогаш. Да, тој влијаеше на моето воспитување како дете затоа што го користев како пример каков треба да биде еден човек а не политичар, вели Дрин.
За Ахмети пак е и необјасливо зошто од Фондот за иновации му побарале да ги врати парите назад за добиените проекти иако и во самото интервју тој покажува дека една од инвестициите е печатач. Каква иновација е тоа , Ахмети вели дека грантот кој го добил бил за да се купи опрема а не за иновации., Ахмети вели дека не ни знае колку пари добил од Фондот за иновации, тоа ќе морало да го проверат неговите вработени.
Дрин Ахмети за сите прашања тврди дењка тој нема сторено никаков криминал.
Дрин Ахмети стана директор на ТЦ Соравиа во септември 2023-та, односно по примена позајмица од страна на фирмата на Ник Мехмети од основачки влог од три милиони евра преку фирма која ја регистрирал на истата адреса како и ТЦ Соравиа.
