Колкаво е загадувањето од депонијата Дрисла, дали се работи по стандарди, дали се оправдани сомнежите во јавноста дека се третира небезбеден отпад?
Граѓаните со години се жалат дека од согорувањето во Дрисла немаат чист воздух, особено оние кои живеат во блиските населени места. Велат дека нивите и производите им се загадени, и токму поради ова неодамна имаше и протест пред портите на депонијата. Невладините организации алармираа дека поради несоодветно управување со депонијата, имало драстично влошување на здравствената состојба на жителите на село Батинце и околината.
Во телефонски разговор за Алфа од Дрисла кажаа дека веќе не се горело медицински отпад, само мала количина на некои лекови.
Нашата редакција се обиде да добие одговори од јавното претпријатие со кое стопанисува Град Скопје, пред се за тоа до каде е процесот за набавка на нова модерна опрема за депонијата, но до емитување на овој прилог одговор нема
Алфа се обиде да добие одговори од претпријатието за тоа до каде е процесот на модернизација, што преземаат како мерки против загадувањето, дали имаат мерна станица, меѓутоа иако беше договорена изјава, истата беше откажана без да се наведе причина зошто
На страницата на јавното претпријатие постои база на мерења за влијанието врз воздухот . Според истите, пишува дека минимално е количеството на штетните пм 10 и пм 2.5 честички на метар кубен во воздухот.
Од министерството за животна средина велат дека Дрисла е регионална депонија и унапредувањењто е на сите општини заедно со градот Скопје
Инаку, депонијата е лоцирана на само 14 км од центарот на градот Скопје. Во изминатите 26 години исполнета е со 55 % од вкупниот капацитет со депониран комунален отпад .
