Премиерот Христијан Мицкоски дефинитивно на 20 јануари ќе присуствува на инаугурацијата на новиот американски претседател Доналд Трамп во Вашингтон.
Како што информираат од Владата, Мицкоски на 20 јануари ќе присуствува и на свеченоста насловена како „Гласови на слободата“, која ќе се одржи по инаугурацијата, организирана од компаниите Трамп Медија и Рампол. Најавено е дека за време на престојот во Вашингтон, македонскиот премиер ќе се сретне со Хауард Лутник, копретседавач на тимот за транзиција на претседателот Трамп и министер за трговија, Девин Нунес, претседавач со советодавното тело за разузнавање на претседателот Трамп и извршен директор на Трамп Медиумската корпорација, како и со извршниот директор на Рампол, Крис Павловски.
Од Владата посочуваат дека можни се и повеќе други средби. На инаугурацијата во Капитол се најавува присуство на бројни претседатели и премиери, но и први лица на светските организации.
