Специјализираното одделение за гонење на кривични дела направени од полицајци и затворска полиција, официјално поднесе обвинение против 16 лица, од кои 13 се цариници, еден пензиониран цариник и еден полицаец за примање поткуп при увоз на стока од странство, во предметот познат како „Премин“.
Станува збор за полициска акција од октомври минатата година, кога беа упасени, а сега веќе обвинетите цариници и полицаецот кои биле распоредени во царинските пункти во Ново Село и Дојран. Тие се обвинети дека во периодот од март 2023 до октомври 2024 година при вршење на царински прегледи на стоката што се увезувала во државата преку овие гранични премини, од превозниците на стоката директно барале и примале парични средства за себе во износи од по 20, 50, 70, 100 и 150 евра, за да не извршат службено дејство што морале да го извршат. Потоа парите ги делеле меѓу себе.
