Се е подготвено за утрешниот старт на мерката новогодишна кошничка која треба на граѓаните да им донесе производи со пониски цени од минимум 10 проценти, уверува заменик министерот за економија Марјан Ристески.
Бројката на производи кои влегуваат во „новогодишната кошничка“ се очекува да достигне дури 1000. Во новогодината кошничка се опфатени месо и месни производи, млеко и млечни производи, алкохолни и безалкохолни пијалоци, риба, пекарски прооизводи, тестенини, кондиторски производи, овошје, зеленчук. Овие производи опфатени со мерката ќе се продаваат на преку 300 пунктови во сите градови во земјава. Тој ги повика граѓаните и синдикатите заедно со инспекторатот да вршат своевиден мониторинг на цените на производите и да ја пријават секоја неправилност.
