По 6.000 денари за еден тон откупена оризова арпа наменета за извоз, а дополнително оризопроизводителите, ќе добијат пари од субвенциите во вредност од 18.000 денари од хектар за тековната година, објави денеска премиерот Христијан Мицкоски. Ова е мерката со која Владата ќе го реши откупот на оризовата арпа. Оризопроизводителите од кочанско ја поздравија одлуката, надевајќи се дека долгогодишниот проблем со лошиот откуп кој ги донесе до работ на егзистенција, конечно е решен
„Мерката е идеална и за откупувачите и за оризопроизводителите. За прв пат субвенциите ќе се исплатат и календарски. Се одложуваат за март , април, па дури ио до јуни, но еве сега субвенциите ќе ги добијат во тековната гоидина. Мерката е одлична и мислам дека подобро не можело да се случи„ изјави Здравко Арсов, од Иницијативата за спас на оризопроизводството.
Според оризопроизводителите, во момент е откупено околу половина од оризовата арпа, произведена годинава, односно од околу 9000 до 10.000тони.
„50% од овогодинешната реколта е откупена, другата половина се уште е во амбарите. Оризот се откупува по цена која претходно е договорена и утврдена од 35 до 40 денари , но ќе се откупува кога тие ќе бидат во можност„ изјави Здравко Арсов, од Иницијативата за спас на оризопроизводството.
Лошиот откуп и ниските цени на белото злато , во изминатиот период ги дотолчи оризопроизводителите. Покрај доцнењето на субвенциите, голем проблем за нив беше и ниската откупна цена, па поради тоа беа приморани да протестираат и правдата ја бараат на патиштата.
Александра Ристевска
