Интересот на турските студенти да купуваат станови, ги зголеми цените по метар квадратен во Штип. Во зависност од локацијата може да надминат и над 1200евра. Според штипскиот проценител Глигор Ивановски, 10% од продажбата на станови во Штип, е направена од странски државјани. Претежно купуваат мали станови, во новизградени станбени единици.
„Имам вршено проценки на такви станови што ги купуваат странски државјани, пред се од Турција. Тоа се малку, но според мене 10% од продажбата на станови ја купуват странски државјани. Не купуваат големи станови, туку мали. И токму тие ја зголемуваат побарувачката„ вели Глигор Ивановски, проценител од Штип.
За проценителите, 1200 евра од метар квадратен е нерелно. Ова е резултат на монополската положба што ја имат инвеститорите, но и од големата заинтересираност за купување. Според Ивановски , порастот на цената на недвижности треба да го следи порастот на инфлацијата, што во случајот не е така..
„Ние со нашите проценки што се реални и се базирани на издржана методологија за процена за пазарна вредност на недвижен имот, не можеме да дојдеме од 850 до 950евра од метар квадратен, а уште од стартот гледаме дека некој продава стан за 1200евра од квадрат. Тоа е таа нелогичност и е резултат на монополската положба на инвеститорите, како и зголемената побарувачка на становите“ изјави Глигор Стојанов, проценител од Штип.
Според информациите на штипското Даночно одделение во 2022 и 2023 продадени се повеќе од 650станови, што би значело дека во изминатите две години во Штип, секој ден се купувал по еден стан. Нивната вредност сес проценува од 20 до 30 милиони евра.
Александра Ристевска
