Писателот и универзитетски професор Венко Андоновски ќе ја добие наградата „11 Октомври“ за животно дело во областа на културата и уметноста за 2026 година. Оваа државна награда за животно дело во областа на науката и образованието годинава им се доделува на лингвистот проф. д-р Димитар Пандев, универзитетскиот професор Ѓулумсер Касапи и на проф. д-р Владо Поповски – доктор по историско-политички и правни науки.
Одлуката ја донесе Одборот за доделување на државната награда „11 Октомври“, која е највисоко признание за животно дело во областа на науката, уметноста, стопанството и другите дејности од јавен интерес на Република Северна Македонија
Наградата на годинашните добитници ќе им биде врачена на 11 октомври 2026 година во 12 часот во Собранието.
