Продолжува бранот инвестиции во македонските општини како загревање по она што допрва ќе се случува, 250 те милиони евра финансиска инекција која ќе ја обезбеди владата преку ребаланс на буџетот за редица капитални инфраструктурни проекти. Најновата активност од денеска е во Гевгелија, која добива нов булевар до автопатот кон граничниот премин Богородица, но и старт на реконструкција на децении старата спортска сала во оваа општина.
Булеварското решение со кое Гевгелија се поврзува со автопатот чини 19 милиони денари и се реализираше во две фази. Станува збор за многу значаен инфраструктурен проект кој ќе го олесни протокот на сообраќај но и економските активности во оваа општина. Булеварот официјално ќе биде пуштен во употреба денеска во 11 часот, во присуство на премиерот Христијан Мицкоски.
