Ако го нема срцето и столбот на здравствената заштита ќе има колапс на здравствениот систем алармираат семејните лекари. Тие бараат реформи во здравството. Повисок капитационен бод, повеќе ингеренции врз пациентите, и повеќе термини во терциерното здравство. Докторите се жалат дека од малата капитација, финансискиот шок е огромен и би можело да доведе до затворање на амбулантите. Според нив, незадволството од условите за работа се одразува и со нивно заминување во странство, апелираат до надлежните да размислат кој ќе се грижи тогаш за граѓаните.
Ординациите на матичните се полни со млади пациенти со дијабет, хипертензии и аритмии. Тие велат дека граѓаните многу доцнат со прегледи, и затоа после итно завршуваат кај специјалист.
Под мотото „Здрава планета, здрави луѓе“ на Светскиот ден на семејниот лекар во градскиот парк на граѓаните доктори им мереа крвен притисок, холестерол и триглицериди во крвта. Со резултатите граѓаните добиваа и соодветни медицински препораки и совети за тоа на што треба особено да внимаваат со цел да ја подобрат нивната здравствена состојба.
Ања Лукарова
