Купишта ѓубре расфрлано на сите страни, обраснати треви околу гробовите, но и улични кучиња кои бараат храна од некој што оставил за душа. Вака изгледаат градските гробишта во Бутел. Влезовите на православните гробишта се чисти, но во дел од парцелите сликата е поинаква.
“Кога одите на погреб или помен на градските гробишта Бутел речиси невозможно е да начекате чисти и средени гробни места.Сликата е најчесто со ѓубре и смет насекаде”
Ѓубрето во кантите за отпадоци е растурено и надвор од нив. Некаде има и градежен шут. Дека гробиштата се “дават” во ѓубре алармираат граѓаните на социјалните мрежи.
Алфа се обиде да направи обиколка околу гробиштата, но бевме спречени од обезбедувањето. Тие ни посочија дека за снимање била потребна дозвола.
Од претпријатието „Бутел“не добивме одговор зошто нема одржување на гробните места и околу нив.
Граѓаните не беа расположени да зборуваат пред камера но велат дека проблемот со нечистотијата не е од сега, туку со тоа се соочуваат повеќе години.
Инаку, гробиштата „Бутел“ се простираат на 75 хектари или 75.000 квадратни метри површина, каде што се сместени околу 90.000 гробни места.
Едно гробно место во на гробиштата кој стопнисува АД „Бутел“, чини неколку илјади евра.
