2.500 земјоделски и прехранбени производи ќе имаат ограничена маржа од максимум 10%. Списокот е веќе готов, но може да се менува зашто се чекаат мислењата и од Стопанските комори и другите засегнати страни.
Ова е најновиот план на Влада за борба со инфлацијата кој беше преточен во веќе донесениот Закон за нефер трговски пркатики, но првите ефекти ќе се почувствуаат за дури по неколку месеци зашто во меѓувреме ќе се усогласуваат листите со опфатени производи.
„И со согласност на таа листа, сите чинители во делот на трговијата, почнувајќи од производителите па се до трговците на мало, треба да ги усогласат нивните договори, а тоа да проинесе во намалување на цените во домашниот пазар, што значи во македонскиот пазар“, рече Бектеши.
За непочитување на законот се предвидени парични казни до 20.000 евра, но и затворање на маркетите.
„Сакам и јавно да ги повикам домашните производители, да не паѓаат на такви финти на одредени доминантни ланци на супермаркети во нашата држава. Јас не можам да одам кај секој поединечно домашен производител и да му кажам на него прифати го овој договор, или не ги прифаќај овие услови, заради тоа што е мешање во нивната политика“, рече Бектеши.
Додека да почне да се применува законот ќе нема никаква конрола на цените, а по нивното одмрзнување на 1 март веќе се почувствуаат првите зголемувања – најголем дел од производите се продаваат поскапо од 10 до 20%.
Љубиша Владимиров
