Епидемиолозите не можат да откријат како 11 деца од Берово, кои биле згрижени во детската гадинка „23 Август„ се затруле од салмонела. И последните анализи од земаните мостри од меленето месо, јајцата, пудингот и пилешкото се негативни. Од кочанскиот Центарот за јавно здравје информираат дека со овие резултати не можат да потврдат дека бактеријата се ширела токму од градинката..
„Сите анализи се негативни. Анкетите на заразените деца потврдуваат дека заедничка точка им е градинката. Сега понатаму епидемиолозите од Центарот за јавно здравје си имаат своја постапка кајшто ќе барат други можни извори на зараза. Ние немаме потврдено никаде извор на салмонела„ изјави Гоце Серафимов, директор на Центар за јавно здравје-Кочани.
Претходно, негативни резултати на присутво на салмонела покажаа и анализи од мострите земени од вработените и од површините во градинката. Бактеријата се појави минатата недела, а санитарни инспектори извршија вонреден надзор. Беше донесено и одлука кујната во градинката да биде затворена.
