Министерот за образование Јетон Шаќири не попушта. Нема договор за албанската паралелка во ОУ „Тодор Јанев“ – Чашка. Иако учениците ја бојкотираат наставата четири недели и родителите протестираат секојденвно против работењето на директорката на училиштето и за како што велат незаконското воведување на нова паралелка на албански јазик, на Шаќири тоа изгледа не му значи многу. Останува на ставот дека најдоброто за учениците да учат на мајчин јазик.
“Како можам да прифатам кога се однесува за четири ученици кои немаат никаков проблем со никој, јас ги прифаќам сите дискусии, но да прифатам деца да патуваат заради тоа што некој така сака и прави проблем во образовниот процес.Јас тоа не го прифаќам поради тоа што барам решение на проблем кој е долгогодишен” вели министерот Јетон Шеќири.
Министерот иако јавно ги повика родителите да му достават предлог решение, тој не прифати ниту едно.Една од понудените опции кои му беа доставени во кабинетот беше албанската паралелка да се воведе во соседните села Сливник или Бањица каде што мнозинството жители се од албанска националност.
Инаку, секојдневните протести на родителите пред училиштето се се’ по тензични.Тие и натаму бараат оставка од директорката Елена Николова, и да се вратат ингеренциите на општина Чашка врз училиштето.Само на тој начин ќе се најде решение на проблемот, велат тие.
“Ние ги пренесовме заклучоците од состанокот, и револтот е токму поради тоа е зголемен.Единствено што во мемоментов, е официјално барање од нас е директорката да се промени.Во тој случај наставата ќе тече нормално и ќе продолжиме да комуницираме со министерот и со остнатите за да се најде решение” изјави за Алфа, Цвета Пешовска, родител.
Според родителите училиштето Тодор Јанев, според статутот е само за настава на македонски јазик и во населено место со Македонци и отворањето на ваква паралелка е “насилно” и незаконски.
Ања Лукарова
