Гнев и револт кај мајката на најмалиот пациент заболен од Ковид-19, четиримесечното бебе од Кочани. Таа на својот фејсбук профил јавно проговори за условите и пристапот на лекарите со пациентите кои се лекуваат на Инфективната клиника во Скопје.
Револтирана е бидејки во изминатите 15дена увидела дека сликата за стабилен здравствен систем е само бајка, но само додека се гледа на телевизија.
-Кога прашуваш за вода да ти кажат дека се потрошила донацијата, а на телевизија кажувате бебе на посебна исхрана. Каква е таа посебна исхрана??-јавно праша гневната мајка.
Се пожали на ладните болнички соби, на празните ветувања за земање брис на бебето, но и на раштиманто менањирање. Во рок од петнаесетина минути прво им рекле дека ќе си одат, за после да се предомислат.
-Две недели еден доктор ме преслуша и сега наеднаш здраво бебе ќе чека да си оди,бидејки на вас сега ви текна да и земете крв на мајката, за која некои од докторите не знаеја ни дали е хоспитализирана.
Четиримесечното бебе од Кочании неговата мајка на Инфективната клиника се хоспитализирани од 9април. Резултатите и на двајцата родители се негативни.
Александра Ристевска
