Реклама

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Алта банка официјално на продажба- прва јавна аукција по принципот „се или ништо“ на 30-ти ноември

Играње по бугарски ноти: Сметката за бегството стигна за наплата – Ива Михаилова претворена во медиумска алатка на Софија

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Македонија

Протоколот за НАТО уште не е на маса ама власта настапува како да сме внатре

Шпанија доби влада, шпанскиот парламент го чека својот состав, протоколот за НАТО…

Сподели:
Фото: Алфа Вести

Шпанија доби влада, шпанскиот парламент го чека својот состав, протоколот за НАТО се уште виси, ама македонските власти се однесуваат како веќе да се дел од големото НАТО семејство. Според познавачите, комплетната завршница за членство на земјава во Алијансата може да трае и со месеци. Координаторот на пратеничката група на ВМРО ДПМНЕ Никола Мицевски вели дека ако оди по редовна постапка, на Шпанија би и биле потребни 3 до 5 месеци да стафи параф на протоколот и да даде зелено светло за земјава.

„Се надевам дека нашата влада и МНР веќе се во одредена фаза на разговори, каде што во некоја скратена постапка таа ратификација ќе биде потпишана и со тоа и последната пречка за ратификација и од наша страна ќе биде завршена“ вели Мицевски.

Пратениците од албанската опозиција бараат од спикерот Талат Џафери, Предлог – законот за ратификација на протоколот со НАТО да го стави на собраниска седница пред да се распушти актуелниот пратенички состав.

Реклама

„Знаете дека веќе имаме предлог од Владата и бараме од претседателот на Собранието што поскоро да го постави на дневен ред“, вели Сурија Рушити од Алијанса за албанците.

„Се надеваме дека после Шпанија и во нашето Собрание ќе има време,пред да се распушти, да биде ратификуван протоколот“, вели Фадил Зендели од Беса.

Од владејачката коалиција, очекуваат брзо комплетирање на шпанскиот парламент со цел Македонија да добие виза за НАТО до крајот на јануари.

„Очекувам дека многу брзо ќе го ратифицираме протоколот во собранието. Од таа причина очекувам и повикувам на одговиорност кај сите политички чинители во Парламентот“, вели Костадин Костадинов од СДСМ.

„Членството на нашата држава во НАТО е столб на програмата на ДУИ и едвај чекаме да гласаме за протоколот“, вели Артан Груби од ДУИ.

Предлог законот за ратификација на Северноатланскиот договор веќе е во собраниска процедура. Откако ќе биде усвоен и објавен во Службен весник, треба да биде депониран во Вашингтон. Предлогот за „предвремена“ или „условна“ ратификација беше барање на ВМРО – ДПМНЕ, повикувајќи се на искуството на Црна Гора, која документите неопходни за нејзиното членство во НАТО ги ратификуваше во април 2017 година, а Холандија и Шпанија извршија ратификација на Протоколот за членство на Црна Гора во Алијансата дури следниот месец.

Биљана Божиновска