Вакцинацијата против ХПВ на девојчињата и момчињата и редовните гинеколошки прегледи и скринингот се клучни за спречување на болестите поврзани со овој вирус.
Најмладата пациентка со цервикален карцином кај нас има само 18 години. Со помош на вакцинацијата и активниот скрининг болеста ќе може да се открие во најрана фаза, а со тоа и да се добие општество во кое ракот на грлото на матката ќе биде минато, посочија гинеколозите. Велат дека вакцината штити од ХПВ и високоризичните типови 16 и 18, а до 18 години вакцината е бесплатна и може да ја прими секој до 45-годишна возраст.

