Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Македонија

Делчево формираше Локално координативно тело за борба против родово базираното и семејното насилство

Во Општина Делчево се одржа конститутивен состанок на Локалното координативно тело за…

Сподели:
Фото: Алфа Вести

Во Општина Делчево се одржа конститутивен состанок на Локалното координативно тело за борба против родово базираното и семејното насилство, со цел унапредување на меѓуинституционалната соработка, координирано постапување и поефикасна превенција и заштита на жените и девојките од сите форми на насилство.

На состанокот присуствуваа претставнички од Центарот за социјална работа – Делчево, Министерството за внатрешни работи – ОВР Делчево, Здравствениот дом, образовните институции, Организацијата ЖЕНА, како и претставници од Општина Делчево.

Формирањето и координацијата на работата на телото се реализираат на иницијатива и со поддршка на Организацијата ЖЕНА – Делчево, која во декември 2024 година го иницираше воспоставувањето на локалниот механизам за заштита на жените и девојките од семејно насилство. Неговото повторно активирање и функционално зајакнување произлегуваат од потребата за појасно дефинирање на надлежностите и улогите на институциите, како и воспоставување ефикасен систем на меѓусебна координација.

Реклама

За координаторка на телото е избрана Јадранка Стојанова, претставничка од МВР – ОВР Делчево. На состанокот беа усвоени и Програмата за работа за 2027 година, Правилникот за деловна тајна и доверливост, како и портфолиото на телото, со што се поставуваат основите за негово организирано и континуирано функционирање.

Програмата за работа за 2027 година опфаќа три клучни области: институционално јакнење и одржливост на телото, партиципативно креирање и спроведување локални политики и актуелизирање на проблемот со родово базираното и семејното насилство, со цел поефикасна превенција и заштита.

Предвидени се редовни работни состаноци, унапредување на комуникацијата меѓу институциите, информативно-едукативни активности во училиштата и населените места, јавни кампањи, како и анализа и следење на состојбите и преземените мерки во оваа област.

На состанокот биле донесени и заклучоци за спроведување заеднички превентивни и информативни активности во рамките на глобалната кампања „16 дена активизам против родово базираното насилство“. Активностите ќе бидат насочени кон подигнување на јавната свест, препознавање на различните форми на насилство и информирање на граѓаните за достапните механизми за поддршка и заштита.

Мисијата на Локалното координативно тело е преку заедничко дејствување на институциите и граѓанските организации да се планираат и спроведуваат мерки и политики за намалување на родово базираното и семејното насилство на локално ниво, со визија за создавање заедница без насилство врз жените и девојките.

Со повторното активирање и зајакнување на овој механизам, Општина Делчево, локалните институции и граѓанскиот сектор ја потврдуваат определбата за системско и континуирано дејствување во превенцијата, навременото препознавање и заштитата од насилство, како заедничка одговорност на институциите и целата заедница.