Реклама

30-дневен притвор за Кристијан Корабоски, кој до бесознание ја претепа Сара

Панел-дискусии во Собранието по повод 35-годишнината од донесувањето на првиот Устав

Успешен старт на предвремениот откуп на тутунот – 435 денари за прва класа, најавено зголемување на субвенциите

Реновираниот студентски дом „Кузман Јосифовски – Питу“ ќе биде отворен во јануари, од февруари сместување

„Јавачи на трагедии“: Во отсуство на идеи, СДСМ спасот го гледа во злоупотребата на народниот гнев

35 години Устав на Македонија: Кратка, но и повеќе од бурна историја- до сега менуван осум пати, сега под бугарски притисок за нови измени

Кравите од Крива Паланка стигнаа до НАТО: градоначалникот бара меѓународна помош

АНБ и БЈБ открија проиранска мрежа која обучувала македонски државјани за атентат во Грција

Правда за Сара: Остри реакции од политичките лидери и партии

МКЦ се враќа на старите патеки: Новото издание на МОТ почнува на 18 ноември

Од барање за 30 дена кризна состојба до 10-дневна магија: Како градоначалникот Митовски ќе ги собира кравите во Крива Паланка?

Димитриеска-Кочоска: Буџетот за 2027-ма носи раст и јавен долг под 60% од БДП

Македонија

Меџити: Со Халил Кастрати разговаравме за соработка во изградбата на училиштето „Иднина“, за деца со посебни потреби, во Чаир

Градоначалникот на Општина Чаир Изет Меџити, за време на посетата на Косово,…

Сподели:
Фото: Алфа Вести

Градоначалникот на Општина Чаир Изет Меџити, за време на посетата на Косово, остварил средба со Халил Кастрати, раководител на хуманитарното здружение „Сирачињата на Балканот“, на која, како што информираат од општината, разговарале за можностите за соработка во реализацијата на проект од особено социјално и образовно значење – изградбата на училиштето „Иднина“, за деца со посебни потреби, во Чаир.

Во рамките на посетата, Меџити одблиску се запознал и со хуманитарната дејност на здружението, преку посета на домот за стари лица.

– Изградбата на училиштето „Иднина“ е проект од особено значење за Чаир и за семејствата кои очекуваат подобри образовни услови за своите деца. Станува збор за објект со површина од околу 2.000 м², со капацитет за 200 деца и предвидена инвестиција од околу 2 милиони евра. Нашата цел е да создадеме институција со соодветни простории за учење, терапија и развој, приспособени на индивидуалните потреби на секое дете – истакна Меџити, се вели во соопштението од Општина Чаир.

Реклама

Меџити нагласил дека соработката со здружението „Сирачињата на Балканот“ претставува значајна можност за координирање на институционалните и хуманитарните напори во насока на реализација на овој проект.

– На семејствата им е потребна конкретна поддршка, а децата заслужуваат достоинствени услови за учење, развој и изразување на своите способности. Токму затоа сакаме да ги обединиме искуството и посветеноста на Халил Кастрати со ангажманот на Општина Чаир, за овој проект да стане реалност – изјавил Меџити.