Чинот со кој бугарскиот државен врв направи цела фама и отворено застана зад Ива Михаилова, која фактички е бегалец од органите на прогонот во Македонија, претставува невиден дипломатски скандал.
Но, како што видовме, тоа не ги спречи првите луѓе на најважните бугарски институции да ја бодрат и да изразуваат отворена поддршка за Михаилова, која во Македонија е обвинета за предизвикување сообраќајна несреќа со смртни последици. Сепак, контроверзниот бугарски европратеник Андреј Ковачев тврди дека македонските власти немале никаква основа да се жалат до европските институции за скандалозното бегство на Михаилова. Според него, Бугарија не направила ништо проблематично. Тој вели дека за целата оваа ситуација веќе ја информирал и претседателката на Европската комисија, Урсула фон дер Лајен.
Ковачев тврди дека овој случај е поради здравствената состојба на Михаилова и дека е од хуманитарен карактер. Неговата изјава следува откако македонското МНР најави дека за нејзиното бегство ќе ги информира ЕУ и Советот на Европа. Македонските институции сметаат дека постапувањето на официјална Софија ги подрива напорите за меѓусебна доверба. Дополнително, од македонското министерство истакнаа дека ваквите потези се спротивни на заложбите за развој на добрососедските односи.
