Брисел е на поег. Македонија стави разумен предлог на маса за надминување на спорот со Софија. Ако европските бирократи ја притиснат Бугарија, тогаш може да се очекува некаов исчекор во решавање на билатералниот проблем. Дипломатите оценуваат дека ЕУ може да пресече и да ја забрза динамиката на процесот.
- „Дијалогот има вистинска вредност само кога носи кон решение кое носи сигурност, кое носи предвидливост и перспектива на граѓаните. Затоа вклучувањето на ЕУ во разговорите со Софија може да биде многу важен чекоркон обновувањето на довербата, но може да биде и гаранција дека процесот ќе се води во европски дух “ вели Василка Попоска Треневска – Поранешен дипломат, професор.
Македонскат влада инсистира преку дијалог во кој ќе биде вклучен и Брисел и со јасно дефинирани гаранции да се дојде до прифатливо решение за двете страни, кое притоа нема да задира во македонскиот идентитет. За тоа поддшка Македонија бара од сите партнери. Посетата на САД премиерот Мицкоски ја искористи отворено и јасно да зборува за идејата за европско посредништво во разговорите со Бугарија и за македонските аргументи.
- „Нашата идеја, кога велиме да се вклучи и Европската Унија, е со цел да ги слушнат и нашите аргументи и аргументите на другата страна. Јас знам која е загриженоста на официјална Софија. Тие велат: „ако ние седнеме во присуство на трет партнер, тоа значи дека навистина имаме билатерален спор“. И навистина ние имаме билатерален спор. Ние можеме да измислуваме, да се правиме дека немаме, ние во суштина навистина имаме билатерален спор којшто е сега на својот почеток. И додека е на почеток, јас тоа го кажав и во мојот говор вчера, ние треба да водиме дијалог и токму поради тоа ни се потребни претставници на мултилатерални организации, во случајов Европската Унија, за да ги слушнат аргументите“ – нагласи Мицкоски.
Ваквиот предлог на македонската влада го поздрави и известувачот за Македонија во Европскиот парламент, Томас Вајц. Според него треба да се искористи и Ирска – земја што во моментов претседава со Унијата.
- „ Апсолутно да, многу ја поздравувам оваа најава од премиерот Мицкоски, бидејќи ова е токму тоа што ни е потребно да го направиме. Потребно ни е двете страни да седнат и да разговараат меѓу себе и ЕУ е среќна и подготвена да го поддржи овој вид на дијалог. Двете страни треба да се согласат на тоа. Колку што знам тоа се уште се нема случено, но да се обидеме и исто така можеме да ја искористиме Ирската влада, ирската амбасада, исто така може да се искористи австриското МНР да помогне да имаме таков состанок и да ни помогне да го поддржиме тој дијалог, бидејќи ова е токму тоа што ни треба“ рече Вајц во интервју за „Вечер“.
Бугарското МНР веќе одговори дека се подготвени за дијалог, но не прицизира дали на иста маса прифаќа да има столче и за претставник од Брисел.
Предлозите од македонска страна за надминување на проблемот со Софија доаѓаат во пресрет на посетата на претседателката Урсула Фон дер Лајен која следната недела тргнува на турнеја низ Западен Балкан. Во Скопје директно од државниот врв ќе слушне за идејата за европско посредништво во разговорите меѓу соседите.
