Затворен е за сообраќај дел од булеварот „Гоце Делчев“ во Штип, од крстосницата кај „Мал одмор“ до ЈП „Македонијапат“. Од општина Штип информираат дека градежната компанија која работи на реконструкцијата на мостот на реката Брегалница на булеварот „Гоце Делчев“ влегува во фаза на градежни активности да се работи и на долниот, но и на горниот дел на мостот. Се очекува градежните активности да завршат до 7 октомври, по што ќе биде пуштен овој дел за сообраќај, кој е влез и излез на градот Штип и кон Скопје и кон Радовиш и Струмица.
Градоначалникот на општина Штип, Иван Јорданов пред четири месеци истакна дека во градежните активности се опфатени подобрувањето на статиката на мостот и третирање на горниот дел од мостот, со нов асфалт на коловозт, тротоарни површини, ограда и улично осветлување. Инвестицијата е на ЈП за државни патишта во вредност од 30 милиони денари.
Инаку, возилата кои доаѓаат кон градот Штип ќе се пренасочуваат кон улицата кај „Штип сити Мол“.
