Министерот за спорт Борко Ристовски од денеска до 27 септември ќе престојува во официјална посета на Азербејџан, соопшти Министерството за спорт.
За време на посетата Ристовски ќе оствари билатерална средба со министерот за млади и спорт на Азербејџан, Фарид Гајибов.
Централен настан на посетата, се вели во најавата, ќе биде потпишувањето меморандум за разбирање меѓу двете министерства, со кој се отвора нова рамка за соработка во спортот, размена на експертиза и спортски кадри, спортска медицина, организација на спортски настани, спортски туризам и соработка меѓу националните спортски организации.
