Данскиот кинематографер Дан Лаустсен, годинашен лауреат на ИФФК „Браќа Манаки“, одржа семинар на кој зборуваше за своите почетоци, работата со режисерите, развојот на визуелниот јазик, изборот на опрема и искуството со големите меѓународни продукции.
Лаустсен потсети дека неговиот прв долгометражен филм го снимил веднаш по дипломирањето на Данската филмска школа во 1979 година.
– На почетокот работев со многу мали екипи и ограничени ресурси. Токму тие услови ме научија да бидам креативен со опремата што ми е достапна. На почетоците користев ЛЕД-светла, но и разни други светла. Јас имав среќа да работам со режисерот Сорен Краг-Јакобсен, а лично сакам да работам со мала екипа и мали стории – нагласи Лаустсен.
Во рамките на мастер-класот беа прикажани сцени од филмот Skyggen af Emma (Emma’s Shadow) од 1988 година.
Пред аудиториумот во Битола, Лаустсен зборуваше и за својата работа на Mimic, еден од филмовите со кои почнува неговата соработка со режисерот Гилермо дел Торо.
