МВР откри детали за виралната снимка од скопскиот аеродром: се степале двајца мажи, бил употребен и тврд предмет

Видеото кое вчера го преплави социјалните мрежи со тепачка на скопскиот аеродром, доби институционална потврда. МВР информира дека на 20 септември дошло до физичка пресметка меѓу двајца мажи, по претходна расправија. Во инцидентот бил употребен и тврд предмет. Станува збор за 20-годишен тетовец и 42-годишен кумановец, а случајот бил пријавен во полиција во 19:10 часот. Засега нема информации што ја предизвикало кавгата, дали има повредени и дали некој е приведен. МВР го документира случајот, по што ќе следува соодветен поднесок.