Проекција на култниот македонски филм „Пред дождот“ на режисерот Милчо Манчевски ќе се одржи вечерва во рамки на манифестацијата „Кино на отворено“ во Општина Кисела Вода.
Како што соопшти Општина Кисела Вода, филмската вечер во паркот „Македонија“, во близина на Домот на културата „Билјана Беличанец“, ќе започне во 19 часот со прикажување на детскиот анимиран филм „Таинствената шума“, синхронизиран на македонски јазик.
Од 20:25 часот, љубителите на филмската уметност ќе имаат можност да го проследат „Пред дождот“, македонско остварување кое има освоено повеќе од 30 меѓународни награди, меѓу кои и „Златниот лав“ во Венеција, како и номинација за Оскар.
