Јавниот обвинител на Македонија Ненад Савески оствари работна средба со претседателот на Адвокатската комора на Македонија Лазо Ѓорѓиевски, на која, како што информираат, заеднички било заклучено дека „јавните обвинители и адвокатите се на спротивставени страни во судница, но на иста страна кога станува збор за почитувањето на човековите права и стандардите на кривичната постапка“.
Савески и Ѓорѓиевски, се вели во соопштението, од средбата упатиле и порака за целосна нетолеранција кон корупцијата и за зголемување на професионалните стандарди за интегритет.
-Јавните обвинители од една страна и адвокатите од друга страна имаат огромна одговорност за враќање на довербата и во судот и во правосудниот систем воопшто, бидејќи со своето постапување пред судот во една контрадикторна постапка директно влијаат на угледот на судот и на довербата од граѓаните – се согласија Савески и Ѓорѓиевски, се вели во соопштението од ЈОРСМ.
На средбата, Савески и Ѓорѓиевски, разговарале за повеќе прашања од заеднички интерес, при што, како што информирата, договориле континуирана соработка пред се со цел овозможување ефикасност на постапките.
