Поднесено обвинение за палењето возила пред бугарската амбасада во Скопје

Обвинителството за гонење на организиран криминал и корупција поднесе обвинение против едно лице за палење возила пред амбасадата на Бугарија во Скопје на 15 јуни.

Според обвинението, лицето со бензин ги полеало и запалило возилата што ги користеле бугарското воено аташе и други вработени во амбасадата, со што била загрозена безбедноста на лица под меѓународна заштита. Обвинителството побара продолжување на притворот. За делото е предвидена затворска казна од најмалку една година.