Поради скината водоводна цевка на улицата „Владимир Комаров“ број 20, вечерва од 19:20 часот со прекинато водоснабдување се дел од корисниците на оваа и на соседната улица, додека дел се со намален притисок.
Како што соопштуваат од ЈП Водовод и канализација, без вода се непарните броеви од 1 до 33 од корисниците на улицата „Владимир Комаров“, како и броевите 2,4,6 и 8 од улицата „Бојмија кули“. Корисниците од булеварот „Кузман Јосифовски Питу“, пак, се со намален притисок во водоснабдувањето.
– Поради скината водоводна цевка Ф200мм. од страна на фирма изведувач на улица „Владимир Комаров“ бр. 20 со прекинато водоснабдување ќе бидат корисниците од следните улици „Владимир Комаров“ непарни броеви од број 1 до број 33, „Бојмија кула“ 2,4,6 и 8 и бул. „Кузман Јосифовски-Питу“ со намален притисок – стои во соопштението.
Водоснабдувањето ќе биде нормализирано по завршување на работните активности за sanacija на цевката.
