Во Собранието денеска ќе биде одбележан Меѓународниот ден на демократијата – 15 Септември. На настанот, како што е најавено, воведни обраќања ќе имаат Златко Атанасов, државен советник и раководител на Парламентарниот институт, потпретседателот на Собранието, Антонио Милошоски, и амбасадорот на Швајцарија во Македонија, Кристоф Зомер.
Потоа се предвидени прашања на тема демократија за учениците што ќе бидат присутни, а ќе ги поставуваат советничката историчарка Соња Стаменковска и советникот за правно-политичка едукација, Даниел Гоќески.
Предвидено е да биде емитуван и видеоматеријалот „Како Шари стана пратеник?“ по што ќе следува дискусија со учениците и пратениците со Стаменковска и Гоќески.
