Прашањето на правосудниот испит не е прашање само на еден испит, туку е прашање на новите правници, за нивната иднина, за еднакви можности и за квалитетот на правото којшто сакаме да го изградиме во нашата држава. истакна од собраниската говорница министерот за правда Јетон Шасивари кој одговараше на прашањето поставено од пратеничката Дијана Тоска за кога студентите ќе можат да полагаат правосуден испит на албански јазик. Министерот за правда, Шасивари порача дека ова прашање не го гледа како етничко или политичко прашање.
-Сакам да бидам многу јасен. Значи, ова прашање не го гледам како етничко или политичко прашање, ова прашање го гледам како правно и институционално прашање и прашањето е како врз основа на Уставот и законите треба да имаме еднаков пристап, да се почитуваат јазичните права и истовремено да бидат овие прашања за истите кандидати. Јазикот може да биде различен, критериумот треба да биде ист и за ова сметам дека треба да биде едно прашање на институционална и политичка зрелост- истакна Шасивари.
Министерот за правда Шасивари во одговорот на пратеничката Тоска посочи дека до него пристигнати си барања од пет студински организации на оваа тема и како што рече „мојот став е јасен секоја иницијатива која што доаѓа од студентите и и од Академијата треба да се разгледува, да се анализира сериозно“.
– Барањето на асоцијацијата на студентите на Штуловиот универзитет за да може да се положи испитот на албански јазик, од асоцијацијата на Универзитетот „Мајка Тереза“ со барање на албански јазик, барање на Меѓународниот универзитет, Балкански универзитет, кој што има два циклуси-првиот циклус на магистратура на англиски јазик, нивното барање е на англиски јазик. Четвртото барање е од Меѓународниот универзитет „Визион“, кој што има акредитирано правни студии во прв и втор циклус на македонски, англиски и турски јазик, нивното барање е на англиски и на турски јазик и има барање на асоцијацијата на Тетовскиот универзитет со барање на албански јазик. За мене не е ова само статистика, ова е една порака од младите коишто се подготвуваат да бидат дел од правниот систем и оваа порака сакам да ја слушнеме-вели Шасивари.
Министерот за правда, Шасивари најави дека на почетокот на новата акдемска година во октомври ќе ги повика претставниците на студентските организации, за да имаат координативен состанок на оваа тема.
